Танымал YouTube видеохо стингінде Bek Air қазақстандық әуе компаниясы жолаушылар лайнерінің апатқа ұшырауы түсірілген бейнеролик пайда болды.
Кадрларда тікенекті сымымен бетонды қоршау, фонарлар және қарлы трассасы көрінеді. Бірнеше секундтан кейін бетон қоршауға соғылған ұшақ пайда болады.
Ағымдағы жылдың 27 желтоқсанында Алматы облысында 93 жолаушы және 5 экипаж мүшесі бар әуе кемесі апатқа ұшырады. Әуе апатынан 12 адам қаза тауып, 60-тан астам адам дене жарақатын алды.
Бүгінгі таңда Қазақстан премьер-министрі Асқар Мамин бастаған үкімет комиссиясы осы апатты тергеумен айналысуда. Президенттің тапсырмасына сәйкес, осы жылдың 8 қаңтарына қарай комиссия тергеуді аяқтауы, ал 10 қаңтарға қарай жүргізіліп жатқан жұмыстың нәтижелерін ұсыну қажет.
Бұған дейін мемлекет басшысы Қасым-Жомарт Тоқаев ұшақ апаты салдарынан қаза болғандардың туыстарына көңіл айтты. Сондай-ақ ол оларға мөлшері 4 миллион теңгені құрайтын материалдық көмек көрсетуді тапсырды.
Сурет: Tengrinews.kz
