Қазақстан Денсаулық сақтау министрлігінің басшысы Елжан Біртанов Алматыда Орталық қалалық клиникалық ауруханада COVID-19 ошағының эпидемиологиялық тексерілуі аяқталғанын мәлімдеді. Бұл туралы nur.kz ақпарат агенттігі хабарлады.
Министрдің айтуынша, ол эпидемиологиялық тексеру нәтижелерін алды, осыған байланысты өзінің орынбасары Людмила Бюрабековаға Алматыға барып, сол жерде оны жариялауды тапсырды.
Сондай-ақ, Оңтүстік астанаға сапары барысында денсаулық сақтау министрлігі басшысының орынбасары орталық қалалық клиникалық аурухананың ұжымы мен басшылығына алдағы уақытта қандай шаралар қабылданатынын айтады.
Сонымен қатар Елжан Біртанов Алматы денсаулық сақтау басқармасының басшылығына аталған клиникалық аурухана қызметеерлерін басқа медициналық ұйымдарға жұмысқа орналастыруды тапсырды.
Сонымен қатар, министр атап өткендей, коронавирус ауруымен ауырған медицина қызметкерлеріне ақшалай қаражат төлейтін болады. Ол ауруханадан шыққаннан кейін оларға берілетін еңбекке уақытша жарамсыздық парақтары бойынша төленетінін айтты.
Соңғы мәліметтер бойынша, Алматыда коронавирусты жұқтырудың 2276 оқиғасы ресми түрде тіркелді, ал Қазақстанда олардың саны 8969-ға жетті.
Сурет: 24.kz
