Алматы әкімінің орынбасары Ержан Бабақұмаров коронавирустық инфекция бар елдерден келген азаматтар орналастырылған қалалық ауруханалар мен провизорлық кешендерге барды, деп хабарлайды Алматы атқарушы билік органының баспасөз қызметі.
Оңтүстік астана әкімінің орынбасары №2 көпбейінді ауруханада болды. Онда емделушілермен кездесу өткізіп, медициналық мекемедегі жағдайларымен мәселелері талқыланды.
Карантинге орналастырылған емделушілер шенеунікке клиникада болу жағдайлары туралы айтып, қала басшылығы мен медицина қызметкерлеріне қолданып жатқан шаралары үшін алғыс айтты.
Карантингеілерге медицина қызметкерлері тарапынан үнемі бақылау жүргізіледі. Қазір барлық талдаулар алынып, Ғылыми сараптама орталығына зерттеуге жіберілді.
Қазіргі уақытта жергілікті органдар Оңтүстік Астананың медициналық мекемелерінде карантинде жатқандарды жеке гигиеналық заттармен қамтамасыз ету бойынша барлық қажетті шараларды қабылдауда.
Қазақстан Республикасы Денсаулық сақтау министрлігінің соңғы мәліметтері бойынша, біздің елімізде коронавирустық инфекцияны жұқтыру жағдайлары тіркелген жоқ.
