Алматы әкімі Бақытжан Сағынтаев Әуезов ауданының тұрғындарымен кездесу өткізді. Бұл туралы ол Instagram әлеуметтік желісіндегі ресми парақшасында хабарлады.
«Адал, ашық әңгіме. 150-ге жуық сұрақ. Олар көбінесе күнделікті шаруашылық-тұрмыстық проблемаларға қатысты: ТКШ, аулаларды абаттандыру және жарықтандыру, аулалардағы қоғамдық қауіпсіздік және ұрлыққа қарсы күрес, қоқыс жинау, арық жүйесі, кәріз жүйесі, иесіз иттердің жұмыстары және т.б. ПИК жұмысына, әсіресе тұрғын үйлерді ұстау және қасбеттерді жөндеу бойынша айтарлықтай наразылықтар бар. Оларды қозғау үшін барлық ПИК-тер тұрғындар алдында алдында есеп беруі керек», — деп жазды қала басшысы Instagram-дағы парақшасында.
Сондай-ақ, Алматы әкімі өкілетті органдарға тұрғындардың шағымдары мен өтініштеріне ерекше көңіл бөлуді тапсырды. Тұрғындардың сұрақтарына нақты жауап беру керектігін айтты.
«Аптасына бір рет, дүйсенбі күндері аудан және басқарма басшыларының тұрғындармен кездесулерде қойылған сұрақтар мен үндеулердің қалай шешіліп жатқаны туралы есептерін тыңдаймын. «Еститін мемлекеттік қызметші» қағидасы — уақыттың басты талабы», — деді әкім.
