Алматы қаласының әкімі Бақытжан Сағынтаев жер телімдерін беру барысында табиғи қауіп-қатерлерді ескеру қажеттігін мәлімдеді. Бұл туралы «Қазақпарат» ақпарат агенттігі жазды.
«Медеу ауданын аралау барысында Горный тұйық көшесіндегі учаскені қарап шықтым. Бірқатар жеке үйлер қауіпті аймақта салынған, жыл сайын жаңбыр топырақты шайып, құрылыстың құлауына қауіп төндіреді.Жағдайды шешу үшін аудан әкімдігі мен ТЖД ұсыныстар енгізуі керек», — деп жазды Бақытжан Сағынтаев.
Алматы әкімі өкілетті құрылымдарға жер телімдерін беру процесіне ерекше көңіл бөлуді және барлық мүмкін болатын табиғи қауіп-қатерді ескеруді тапсырды. Сондай-ақ, ол қаладағы барлық құрылыстарды күшейтілген тәртіпте бақылау қажет екенін айтты.
Сурет: Inform.kz
