Алматы қаласының әкімі Бақытжан Сағынтаев Түрксіб ауданының тұрғындарымен кездесу өткізді. Бұл туралы оның баспасөз қызметі жазды.
Әңгіме барысында қатысушылар бірқатар проблемалық мәселелерді талқылады. Атап айтқанда, әкім медициналық мекемелердегі проблемалар туралы хабардар болды.
«Кейбір емханалар 20 пайыз жабдықпен жабдықталған. Адамдар басқа жерге баруға мәжбүр. Медициналық жабдықтардың санын кем дегенде 50 пайызға дейін арттыру керек. Медицина жақын болуы керек. Халық тығыз орналасқан аудандарда біз жалға алып, медициналық пункттерді сіздерге жақын жерде ашамыз», — деді Бақытжан Сағынтаев.
Сондай-ақ кездесу барысында қала басшысы тұрғындарды кәсіпкерлерге көмек көрсетуге шақырды.
«Біз заманауи, прогрессивті, мәдени қалада өмір сүреміз. Бізді ШОБ жұмыспен қамтамасыз етеді. Бюджетке салықтардың 60 пайызы шағын және орта бизнестен түседі. Біз кәсіпкерлерге көмек көрсетуіміз керек», — деді қала басшысы.
Кездесу соңында Бақытжан Сағынтаев қоғамдық қауіпсіздікті қамтамасыз ету бойынша қабылданған шаралар туралы айтты.
«Қоғамдық қауіпсіздік мәселесі де күрделі мәселе. Көшені патрульдеудің жаңа сызбасын жасады. Сіздер көріп отырсыздар: бізде жаяу патруль бар, автомобильдер бар. Түскен хабарлар мен шалынған қоңырауларды ескере отырып, «қызыл нүктелерді» белгілейміз. Енді біз сіздердің аулаларыңызға бейне камералармен, рациялармен, телефондармен жабдықталған жылжымалы полиция будкаларын қоямыз. Егер бір жағдай болып қалса, полиция қызметкері жаяу патрульді бірден шақырады»,-деп қорытындылады Сағынтаев.
