Алматы соты ғимаратының жанында Ильшат Кензиннің сегізінші пикеті өтті. Ол өз акцияларын өткізуді қала әкімдігінің өкілдерімен келіскен. Бұл туралы Адам құқықтары және заңдылықты сақтау жөніндегі Қазақстандық халықаралық бюро айтты.
Сот жүйесіндегі сыбайлас жемқорлыққа қарсы күреске арналған алдыңғы өткен жеті іс-шарадағыдый, осы пикет кезінде де Ильшат Кензинге полиция келді, бұл бірден түсінбеушілікті тудырды, өйткені бұған дейін оның барлық пикеттері қиындықсыз өткен.
Алайда, құқық қорғау органдар өкілдері Кензиннен не қалағаны белгісіз, өйткені акция әкімдікпен келісілгенін растайтын құжатты ұсынғаннан кейін, полиция іс-шараны өткізуге кедергі жасамады.
Осыдан кейін Алматы әкімдігі қоғамдық даму басқармасының жас қызметкері тәртіп сақшыларының көзқарасын өзгертуге тырысты. Пикет өтіп жатқан орынға келіп, қыз бірден Кензиннің плакаттарын «үлкен құрылым» деп атап, оны алып тастауды талап ете бастады.
Ильшат Кензин өз кезегінде жеңіл плакаттар «үлкен құрылым» бола алмайтынын және стендті алып тастамайтынын айтты.
Мұндай жауап әкімдік қызметкерін қанағаттандырмай, ол Кензиннен талапты орындауды талап етті. Қыздың жанында кұқық ведомстволардың немесе мемлекеттік органдардың қызметкерлеріне ұқсас тағы үш адам болды. Кейін өзара келіссөздер жүргізген, төрт адам акцияны алыстан тұрып бақылады.
Кензин өзі іс-шарадан кейін, оған Алматы Қоғамдық даму басқармасынан хабарлама келіп түскенін, онда келесі келісілген пикеттерде плакаттары бар стендті пайдалануға тыйым салынатынын, өйткені ол әкімдікпен талқыланбағанын айтты.
Сурет: bureau.kz
