Алматыда өткен онлайн-брифинг барысында бас сандәрігер Жандарбек Бекшин оңтүстік астанада кәсіпкерлердің санитарлық нормаларды сақтауын бақылауды қамтамасыз ету туралы айтты, деп хабарлайды tengrinews.kz жаңалықтар ресурсы.
Қазір қалада қызметі қалпына келтірілген субъектілердің санитарлық норманы ұстануын тексеретін мониторингтік топ жұмыс істейді. Оны бас санитарлық дәрігер мен қалалық кәсіпкерлік басқармасы басқарады.
Жандарбек Бекшин соңғы бірнеше күн ішінде топ 300-ден астам нысанды тексергенін, оның 107-і белгіленген талаптарды сақтамағаны үшін әкімшілік айыппұл төлегенін айтты.
«Үш нысанның әрқайсысына төрт миллион теңгеден айыппұл салынды. Мен тәртіпті бұзбау үшін, басшылардың назар аударуын сұраймын. Сондай ерекше ештеңе жоқ», — деді Бекшин.
Онлайн-брифинг барысында Жандарбек Бекшин егер объект санитарлық нормаларды жүйелі түрде бұзса, оның қызметін тоқтататынын ерекше атап өтті.
Соңғы мәліметтер бойынша, Алматыда коронавирустық инфекцияны жұқтырудың 2001 жағдайы ресми тіркелді, ал Қазақстанда олардың саны 7597-ке жетті.
Сурет: azh.kz
