Бүгін Алматыға 1941 жылы қаладан Ұлы Отан соғысы майданына жіберілген әскери құрылымдардың жауынгерлік туларының көшірмелері жеткізілді. Бұл туралы zakon.kz. жаңалықтар ресурсын хабардар етті.
Осы орайда әскери тулардың көшірмелерімен «Атакент» көрме кешенінен 28 батыр-панфиловшылар саябағына дейін жүріп өтіп, оларды Алматы гарнизонының әскери қызметшілеріне тапсырды.
Жауынгерлік тудың арасында 1941 жылы Алматыда құрылған 316 атқыштар дивизиясының алқызыл жалауы да болды. Бұл дивизияны Иван Панфилов басқарған, сондықтан халық арасында ол Панфилов дивизиясы деп аталып кетті.
Жауынгерлік туларды тапсыру салтанатты рәсіміне алматылық ардагерлер кеңесінің төрағасы Мэлс Шампиев, Панфиловтың немересі Алуа Байқадамова және Ауғанстан соғысы ардагерлері қатысты.
Сондай-ақ іс-шараға десанттық-шабуылдау әскерлерінің, Алматы қорғаныс істері жөніндегі департаментінің өкілдері мен әскери оқу мекемелерінің курсанттары қатысты.
Жиналғандардың алдында сөз сөйлеген Мэлс Шампиев Қазақстан азаматтары Ұлы Отан соғысы Жеңісіне үлкен үлес қосқанын мәлімдеді.
«Бүгін 1941 жылғы Алматыда құрылған әскери құрамалардың тулары Мәскеудің Орталық музейінен өздерінің туған жеріне оралды», — деді Шампиев.
Сурет: zakon.kz
