Екі «Сергек» кешені «Алматы-2» вокзал маңы алаңында және «Алтын Тараз» СОО орталық кіреберісінің жанында орнатылған. Бұл камералар қоғамдық көлікке арналған жолақпен жүру, сондай-ақ көлік құралдарын тоқтату және тұру ережелерін бұзу фактілерін тіркейді.
Абай даңғылында төрт камера орнатылды — олар жылдамдық режимінің сақталуын және автобус жолағының қозғалысын қадағалайды. Құрылғы даңғылдың батыс бағытында Сейфуллин көшесінің қиылысында да, шығыс бағытта Абай — Розыбакиев қиылысында да орнатылған.
Алты кешен әл-Фараби даңғылында орналастырылған. Олар Esentai Mall-ге қарсы шығыс бағытта, Есентай өзенінің алдында шығыс бағытта, батыс бағытта Esentai Mall-ге қарсы (жер асты қатынасынан екінші баған); Бальзак көшесінде, шығыс бағытта жаяу жүргіншілер көпірінің астында, Бальзак көшесінде, батыс бағытта жаяу жүргіншілер көпірінің астында және Interfood-ге қарсы батыс бағытта орналасқан. Олар жылдамдық режимін бұзуды тіркейді және орташа жылдамдықты өлшейді.
Тағы 15 құрылғы BRT желісі салынған көшелерге орналастырылды. Ондағы кешендер қоғамдық көлік үшін бөлінген жол бойынша рұқсатсыз жүруді тіркеуге бағытталған.
Қазіргі уақытта камералар тестілеуден өтті,алайда айыппұлдардың ұйғарымдары әлі жіберілген жоқ.
Сулет: 365info.kz
