Алматы Қоғамдық денсаулық сақтау басқармасының басшысы Камалжан Надыров брифинг барысында оңтүстік астанада коронавируспен ауыратын науқастарды орналастыру үшін орын жетіспеушілігі мәселесін қалай шешу керектігін айтты, деп хабарлайды fergana.agency ақпарат агенттігі.
Ол мегаполисте стационарға түсіп жатқан пациенттердің өсуіне байланысты, орын тапшылығы байқалатынын хабарлады. Атап айтқанда, провизорлық орын 90%-ға, ал жұқпалы — 95%-ға толық.
Осыған байланысты қазір «Халық Арена» спорт объектісін 500 орындық госпиталь етіп қайта жабдықтау мәселесі қарастырылуда.
Егер Алматыда коронавирустық инфекция бойынша жағдай нашарласа, онда госпиталь үшін тағы бір спорт объектісі, атап айтқанда «Алматы Арена» қайта жабдықталатын болады.
Сонымен қатар, бүгін Biz Birgemiz онлайн-форумында сөйлеген сөзінде Қазақстан басшысы Қасым-Жомарт Тоқаев жақын арада біздің республикамызда ауруханада орындардың жетіспеу мәселесі шешілетініне уәде берді.
Соңғы мәліметтерге сәйкес, Алматыда коронавирустық инфекцияны жұқтырудың 3429 жағдайы ресми түрде расталды, ал елімізде олардың саны 18231-ге жетті.
Сурет: fergana.agency
