Билік коронавирус жұқтырған Алматы ауруханасының басшылығына қатысты шаралар қабылдайтын болды. Бұл туралы Алматы денсаулық сақтау басқармасының басшысы Тілеухан Әбілдаев мәлімдеді, деп хабарлайды zakon.kz ақпарат арнасы.
Шенеунік орталық қалалық клиникалық аурухана қызметкерлері коронавирусқа тексеруден өткенін, нәтижесінде 20 медицина қызметкерінде вирус расталғанын айтты.
Осыған байланысты Әбілдаев дәрігерлер оқшауланып, олар тығыз байланыста болған адамдар тобы анықталғанын айтты.
Сонымен қатар, эпидемиологиялық тексеру жүргізілуде, Тілеухан Әбілдаевтың айтуынша, оның нәтижелері бойынша клиника басшылығына қатысты шаралар қабылданады.
Бұған дейін Алматыда 27 медицина қызметкерінен коронавирус инфекциясы анықтағаны туралы ақпарат пайда болған, оның 20-сы қалалық клиникалық аурухана қызметкерлері, 7-еуі балалар жұқпалы аурулар ауруханасының қызметкерлері болып табылады.
Соңғы мәліметтерге сәйкес, Алматыда коронавирусты жұқтырудың 172 жағдайы тіркелді, ал Қазақстан Республикасында осы аурумен барлығы 979 адам тіркелді.
Сурет: zakon.kz
