“Алматы – адалдық Аланы” жобасы аясында қалалық әкімдік пен мемлекеттік қызмет істері және сыбайлас жемқорлыққа қарсы іс-қимыл Агенттігінің Департаменті мемлекеттік органдар қызметінің айқындығы мен ашықтығына көңіл бөлуде, деп хабарлайды Zakon.kz тілшісі.
Қазақстан Президенті Қасым-Жомарт Тоқаев әкімдерге халықпен қарым-қатынастың жаңа форматтарына көшу және оны барынша қамтуды, өтініштерге ден қоюдың ашықтығы мен жеделдігін қамтамасыз ету қажеттігін атап өтті.
Бұл үшін бүгін Алматы ауданының әкімдері Қазақстан Президенті жанындағы Мемлекеттік басқару академиясының Алматы филиалында білім ала бастады.
Оқыту мақсаты − әкімдердің кәсіби әлеуеті мен практикалық дағдыларын арттыру және дамыту, оларда трансформациялық ойлаудың жаңа мәдениетін қалыптастыру.
Стратегиялық құжаттарды, ең алдымен, өңірлік деңгейде жүзеге асырылатын құжаттарды зерделеуге және оларды жүзеге асырудың тиімді алгоритмдерін әзірлеуге үйретуге көп көңіл бөледі.
Атырау облысы ТЖД “Өрт сөндіру және авариялық-құтқару жұмыстары қызметі” ММ бастығы Данияр Таумұрат атап өткендей, аудан әкімдерінің алдында азаматтардың өмір сүру сапасын арттыру және аймақтық стратегиялық бағдарламаларды жүзеге асыру міндеті тұр, оның табыстылығы шенеуніктердің кәсібилігі мен құзыреттілігіне, олардың түрлі мүдделі тараптарды қанағаттандыратын стандартты емес шешімдерді іздеу қабілетіне байланысты.
Әкімдерді цифрландыру дағдыларына, халықпен байланыс жасацдың тиімді жолдарына үйретеді. Әкімдер бір ай бойы Академия филиалының спикерлері мен шақырылған сарапшылардан білім алады.
Сурет: zakon.kz
