Алматы Әкімшілік полиция басқармасының бастығы Жандос Мұраталиев барлық әкімшілік айыппұлдар мемлекеттік бюджетке түсетінін айтты. Бұл туралы Алматы қаласы әкімдігінің баспасөз қызметі хабарлады.
Оңтүстік астана әкімдігінің ғимаратында журналистермен болған кездесу барысында Мұраталиев қаладағы жол-көлік оқиғаларының санын ескере отырып, «Сергек» видиофиксация камерасын орнату туралы шешім қабылданғанын атап өтті.
Сонымен қатар, бастық «Сергек» кешендерін орнату кезінде Алматы тұрғындарының өтініштері ескерілгенін атап өтті. Жалпы азаматтардан 30 мыңнан астам ұсыныс түсті.
Мұраталиев биылғы жылдың 1 қаңтарынан бастап мұндай камералар республиканың оңтүстік астанасында ресми түрде іске қосылғанын еске салды. Оның айтуынша, бұл автожолдардағы қауіпсіздікті қамтамасыз ету мақсатында жасалған.
Сондай-ақ, Алматы басқармасының басшысы барлық әкімшілік айыппұлдардың мемлекеттік бюджетке кететініне және кейіннен жолдардағы қауіпсіздікті қамтамасыз етуге қатысты шараларды іске асыруға бағытталатынына назар аударды.
Сурет: almaty.gov.kz
