Алматы әкімі Бақытжан Сағынтаев қалада жолдарда ЖКО жиі орын алуына байланысты бейнебақылау камераларының санын арттыру қажеттігін мәлімдеді. Бұл туралы Алматы әкімінің баспасөз қызметі хабарлады.
«Бүгін қала әкімдігінде жол-көлік оқиғаларынан болатын өлім-жітімді төмендету мәселесі қаралды. Статистика өсуде. Бейнебақылау камераларының санын арттыруды, барлық 72 аса қауіпті көшелер мен жаяу жүргіншілер өткелдерінде жарықтандыруды күшейтуді тапсырды», – деді Бақытжан Сағынтаев.
Сондай-ақ, Алматы қаласының басшысы көп балалы аналар жұмыс орталығының ағымдағы қызметі туралы хабардар болғанын хабарлады.
«Аз қамтылған және көп балалы отбасыларды қолдау мәселелері бойынша диалогқа арналған жақсы алаң. Мұндай орталықтардың әлеуеті зор. Сондықтан аудан әкімдеріне жыл соңына дейін қаланың барлық аудандарында осындай орталықтар ашуды тапсырды», — деді Сағынтаев.
Сонымен қатар, әкім өз орынбасарына бір ай ішінде «Isker ana» бағдарламасын әзірлеп, оны іске қосуды тапсырды.
«Бағдарлама қажетті заттарға қолдау көрсету шараларын нақтылайды: жабдықтар мен қызметтер, осы отбасыларды асырауға мүмкіндік тудыратын жаңа дағдыларды игеріп, кәсіптерді меңгеруге көмек көрсету», – деп қортындылады Бақытжан Сағынтаев.
Сурет: inform.kz
