Алматы қаласы әкімінің орынбасары Ерлан Әукенов қалада бірыңғай диспетчерлік қызмет жобасын енгізу жоспарланғанын, ол өрт сөндірушілер, полиция және жедел жәрдем шақыруларына жауап беретін болатынын мәлімдеді.Бұл жобаны іске қосу ағымдағы жылдың желтоқсан айына жоспарланып отыр.
» 101, 102, 103 қоңырауларының барлығын 112 қызметіне біріктіруді жыл соңына қарай бастап, келесі жылы аяқтауды жоспарлап отырмыз. Бұл халықаралық тиімді тәжірибе. Қоңырауды күту және экипажды шақыру уақытын 2 еседен артық қысқартады», – деді әкім орынбасары.
Әукеновтың айтуынша, қала тұрғындарының жиі шағым айтуына байланысты 102 қызмет операторларының саны артты.
«Талдау жасадық. Қоңырауларға қатысты шағымдар мен ескертулер болды. Адамдар хабарласа алмады. Қызмет көрсету, телефон арқылы сөйлесу сапасына байланысты сұрақтар болды. Біз орын санын 10-нан 14-ке дейін, сондай-ақ операторлардың жалақысын 35-тен 90 мың теңгеге дейін көтеруді қарастырдық. Сонымен қатар, тәулігіне 24 сағат толық қызмет көрсетуді қамтамасыз ету үшін операторлар санын 32-ден 36-ға дейін арттырдық», — деп толықтырды Ерлан Әукенов.
Сондай-ақ, облыс басшысының орынбасары 2019 жылы Қазақстанның шамамен 377 мың азаматы 102 қызметке хабарласқанын айтты. Барлық өтініштер өңделді, бірақ қызмет көрсету сапасын жақсарту қажет.
