Алматы қаласы әкімінің орынбасары Ерлан Әукенов ағымдағы жылдың күзінде аудандық полиция бөлімшесінде 12 фронт-кеңсе ашу жоспарланып отырғанын айтты. Ол бұл туралы Қоғамдық кеңес отырысында айтты.
«Фронт-кеңселер барлық полиция бөлімдерінде келушілердің кабинеттер бойынша жүруін тоқтатуға мүмкіндік береді. Қызметтер ХҚКО сияқты көрсетіледі. Егер полиция бөліміне бір мезгілде 150 адам келсе, 75 адам кіре берісте «цифрланады», және оларға полиция бөлімінің ішіне кірудің қажеті болмайды. Қызметкерлер осы фронт-кеңселер аймағында келушілерді қабылдайды. Осы жылдың күзіне қарай полицияның барлық бөлімдерін осындай фронт-кеңселермен жабдықтау міндеті тұр», — деді Алматы әкімінің орынбасары.
Ерлан Әукеновтың айтуынша, бұл реформаның арқасында жалпы полиция жұмысы жақсарады.
«Биыл біз адамдар көп жиналатын жерлерде бақылау кешендерін орнатуды бастаймыз. Осындай 1 мың кешен орнату жоспарлануда,биылғы жылы 250-300 кешен орнатылады. Жобаның бастапқы құны Т8 млрд — тан астам болды, оны іске асыру барысында сома Т5 млрд-қа дейін төмендеді», — деді Әукенов.
Соңында орынбасары жол қозғалысы қауіпсіздігі туралы айтып берді. Оның айтуынша, қаланың өсіп келе жатқанына байланысты бағдаршамдар жетіспейді.
«Қала аумағы 2 есеге артты, осыған байланысты жақын арада 200 бағдаршам жетіспейді. Одан әрі жол қозғалысы қауіпсіздігінің автоматтандырылған жүйесі шеңберінде камералармен жабдықталған 110 бақылау бекетіне қосымша қала жолдарында тағы да 707 осындай бекет орнатылады. Жоба сомасы — Т250 млн.постылар орнатылғаннан кейін жарақаттану мен өлім-жітімі бар ЖҚЕ саны 40-50% — ға төмендейді деп күтілуде», — деп қортындылады Әукенов.
