Алматы қаласында жалған купюралардың таралуы жиілеп кеткендігі туралы экономикалық тергеу департаментінде ақпарат берілді.
«Экономикалық тергеу департаментіне Алматы қаласы бойынша екінші деңгейлі банктерден көбінесе жалған банкноттар, негізінен құны 10 000 теңге, бірдей сериялы АА3048964, АА0048181, АА0048484 купюралар және құны 5 000 теңге болатын ВВ5547994 купюралар түседі. Жылдын басынан бері департаментке 4,7 млн — нан астам жалған теңге түсті», — деп хабарлады департамент.
Қазіргі уақытта экономикалық тергеу департаментінің қызметкерлері жалған ақша купюраларын іздеу және жою бойынша өз жұмыстарын жүргізуде.
«Экономикалық тергеу департаменті Алматы қаласының тұрғындарын ақша мәмілелері кезінде қырағылыққа шақырады. Өздерінде жалған купюралар табылған жағдайда, дереу Алматы қаласы бойынша экономикалық тергеу департаментіне Жібек-жолы көшесі, 127 мекен — жайы бойынша немесе 8 727 297-29-56 сенім телефоны арқылы хабарласу қажет», — деп хабарлады экономикалық тергеу департаментінде.
