Алматы қаласы жұртшылықпен байланыс қызметінің жаңа басшысы, қала әкімінің баспасөз хатшысы тағайындалды.
“Достар! Сізге Алматы қаласы әкімі Бақытжан Әбдірұлы Сағынтаевтың баспасөз хатшысы, жұртшылықпен байланыс қызметінің басшысы ретінде хат жолдап отырмын. Алматы әрқашан өмірдің барлық салаларында ең белсенді болып қала береді. Журналистік қауымдастық осы жерде қалыптасқан және осы күнге дейін қаланың БАҚ-тарында отандық журналистиканың мэтрлері жұмыс істейді.
Өздеріңіз білетіндей, қала әкімі бірінші жұмыс күні алматылықтарға ашықтық саясаты туралы мәлімдеді. Қалалық қауымдастықпен өзара іс-қимыл және кері байланыс алу үшін әкім әлеуметтік желілерде аккаунттар ашты. Бұл ашықтық саясаты әлеуметтік желілерде ресми парақшасы бар барлық басқарма басшылары мен аудан әкімдеріне қатысты”, – деп хабарлады Әсет Мұқажанов Instagram-дағы парақшасында.
Мұқажанов 1990 жылы Қарағанды қаласында дүниеге келген. Ол Пекин экономикалық бизнес және басқару университетін “Әлемдік экономика” мамандығы бойынша бітірді.
Әсет Мұқажанов өз еңбек жолында түрлі лауазымдарды атқарды. Ол “Самұрық-Қазына “ҰӘҚ” АҚ, “Болашақ ” халықаралық бағдарламалар орталығы”, ақпарат және коммуникация министрлігінде жұмыс істеді.
Сондай-ақ, Мұқажанов коммуникация және жаңалықтар басқармасының басшысы қызметін атқарды, Қазақстан Республикасы Президенті жанындағы “Орталық коммуникациялар қызметі” РММ ресми өкілі болды.
2016 жылдан бастап 2019 жылға дейін ол премьер-министр кеңсесінің және Қазақстан Президенті әкімшілігінің құрылымдарында еңбек етті.
Сурет: inform.kz
