ҚР Индустрия және инфрақұрылымдық даму министрлігінің Азаматтық авиация комитеті Иранның Mahan Air компаниясына шетелдік әуетасымалдаушысы куәлігін берді, деп хабарлайды “ҚазАқпарат” Халықаралық ақпарат агенттігінің тілшісі.
Комитеттің баспасөз қызметінің хабарлауынша, 4-25 наурыз аралығында Тегеран-Алматы – Тегеран бағыты бойынша А310 ӘК ұшақтарында тікелей тұрақты рейстерді орындау жоспарлануда. 1 сәуірден 23 қазанға дейін авиакомпания ұшу жиілігін аптасына екі ретке дейін – дүйсенбі және сәрсенбі күндері арттыруды жоспарлап отыр.
Mahan Air бұған дейін осы бағыт бойынша ұшуды жүзеге асырды, бірақ өткен жылдың наурыз айынан бастап, экономикалық себептер бойынша, ұшуларын тоқтатты. Рейстерді жаңарту жолаушылар ағынын және Иран мен Қазақстан арасындағы өзара тиімді ынтымақтастықты арттырады.
Сурет: inform.kz
