Қазақстанның Қауіпсіздік Кеңесінің хатшысы Қалмұханбет Қасымов Қазақстанның Қауіпсіздік Кеңесі жанындағы Сарапшылық кеңестің отырысын өткізді,деп хабарлайды «Қазақпарат»ақпараттық агенттігі.
Сарапшылар кеңесінің отырысына бейінді ғылыми-зерттеу институттарының басшылары, үкіметтік емес ұйымдардың сарапшылары, сондай-ақ уәкілетті органдардың өкілдері қатысты.
Отырыс барысында қатысушылар бірқатар маңызды мәселелерді талқылады. Су қауіпсіздігін қамтамасыз ету мәселесіне ерекше назар аударылды. Қалмұханбет Қасымов су ресурстарының қысқаруынан,оның сапасының нашарлауынан халықтың әл-ауқаты мен ел экономикасы зардап шегуі мүмкін екенін атап өтті.
Сондай-ақ, отырысқа қатысушылар су ресурстарын мемлекеттік басқару жүйесін жақсарту, су саласын ғылыми және кадрлық қамтамасыз ету жөнінде пікір алмасты.
Бұдан басқа, трансшекаралық су пайдалану мәселелеріне назар аударылды. Отырыс қатысқандар Қазақстан Республикасының Су ресурстарының айтарлықтай үлесі трансшекаралық өзендердің ағысы есебінен қалыптасатынын хабарлады.
Кездесу соңында Қауіпсіздік Кеңесі мен мемлекеттік органдардың қызметінде пайдаланылатын су ресурстарын жақсарту бойынша ұсыныстар анықталды.
Сурет: Inform.kz
