Қарағанды мен Астананың 80-нен астам тұрғыны алаяқтар тобының құрбаны болды. Алаяқтардың жәбірленушілерге келтірілген шығынының көлемі 250 млн теңгеден асты, деп хабарлайды NUR.KZ журналисі.
Қарағанды қаласының Қазыбек би аудандық соты бірнеше жыл ішіндегі ең ірі алаяқтық схемалардың бірін әшекеледі. Аферистер арзан тұрғын үйлер мен автомобильдер сатып алғысы келген 84 адамды алдады.
Қылмыстық іс материалдары бойынша, бұрын сотталған 42 жастағы Қарағанды облысының тумасы төрт сыбайласымен қылмыстық схема әзірледі. Қылмыстық топ банктің кепіл мүлкін сатуға маманданған жауапкершілігі шектеулі серіктестікті тіркеді.
Қылмыскерлер клиенттерге тұрғын үй мен автомобиль сатып алуға нарықтық бағадан төмен бағамен көмек көрсетуге уәде берді. Олар клиенттерге кепілді тұрғын үй мен автомашиналардың тізімін беріп, ұнаған пәтерлер мен машиналарды көрсетті.
Төлем төлегеннен кейін, қылмыскерлер жақында тұрғын үйді немесе автокөлікті қайта ресімдейтінін айтып, кілттерді берген, ақылы қызмет көрсеткені туралы шарттарға қол қойған. Бірақ қайта ресімдеу, құжаттарды тұрақты кейінге қалтырылып отырған және бірнеше рет одан да кеш мерзімге қалтырылған.
Жәбірленушідердің шыдамы бітіп, полицияға жүгінеді. Сонымен қатар олар интернетте фирма туралы мәліметтерді іздеп, бір-бірін тапқан.
Полицияға барлығы 80-нен астам өтініш түсті. Кейбір қылмыскерлерге тергеу сатысында шығындарын өтегендіктен, олар наразылықтан бас тартты.
Сотта жәбірленушілер ақшаны қайтаруды талап етті. Қылмыстық топтың ұйымдастырушысы алаяқтықтың барлық эпизодтарын мойындап, ақша алғанын жасырмады, бірақ оның өзін алдады деп мәлімдеді. Ол алған ақшаны, өз міндеттемелерін орындамаған, банк қызметкерлеріне берді.
Сот сотталушыны 7 жыл 6 айға бас бостандығынан айырып, мерзімін орташа режимдегі колонияда өтеуге үкім шығарды. Сондай-ақ, оның іс-әрекетінде қылмыстың қайталануы анықталды.
Оның үш сыбайласына сот 4-тен 6 жылға дейін бас бостандығынан айыру жазасын тағайындады. Тағы бірі 4 жыл мерзімге бас бостандығынан айырылумен шектелді.
Сурет: Pixabay.com
