Мәскеу маңындағы Алабинодағы Халықаралық армия ойындары алаңында Қорғаныс министрлігінің Қазақстандық Орталық ансамблінің әртістері танк биатлонында өнер көрсететін отандастарын және Қазақстан Конституциясы күнімен қатысушыларды құттықтады.
Олар өз елінің танкистер командасына ақтық кезеңде табыс тілеп, барлық қатысушыларға ұлттық музыка тақырыбында халық әндері мен композицияларын орындады.
Қазақстанның әртістері ұлттық композицияларды қол шапалақпен қарсы алған Армия ойындарының қатысушыларын таң қалдырды.
Ресей Қорғаныс министрлігі Мәдениет департаментінің бөлім басшысы, еңбек сіңірген мәдениет қызметкері Ольга Фаллер: “бүгін Қазақстаннан келген Армия халықаралық ойындарының қатысушылары мен олардың қазіргі Ресей жерінде орналасқан тамаша шығармашылық ұжымы үшін ерекше күн. Мен барлық қазақстандықтарды Конституция күнімен құттықтаймын. Біздің достығымыз нығая берсін”.
Өз кезегінде қазақстандық команда мүшелері еліміздің Негізгі Заңының қабылданғанына 25 жыл толуы олар үшін айтулы күн және Қазақстан тарихындағы маңызды кезең болып табылатынын атап өтті. Олар осыған байланысты танк биатлонына барынша көңіл бөлуге және жеңіске жетуге тырысуға уәде берді.
Қазақстан командасы өнер көрсететін әскері ойындарында танк экипаждары жарыстарының жартылай финалы 2 қыркүйекте өтеді.
Сурет: dknews.kz
