Бүгін Түркістан облысында «Б. Қонысбаев» және «Жібек жолы»өткізу бекеттерін қайта жаңарту жоспарлануда. Бұл туралы Мемлекеттік кірістер комитетінің баспасөз қызметі хабарлады.
10-11 мамыр аралығында Қаржы министрлігінің хатшысы Ерұлан Жамаубаев пен мемлекеттік кірістер комитетінің төрағасы Марат Сұлтанғазиев «Б. Қонысбаев» және «Жібек жолы»өткізу бекеттеріне жұмыс сапарын ұйымдастырды. Сондай-ақ, Қаржы министрлігінің хатшысы мен Мемлекеттік кірістер комитетінің төрағасы жұмыс сапары аясында құрылыс компаниясының өкілдерімен кездесті. Олар «Б. Қонысбаев» өткізу бекетін қайта жаңарту аумағын қарап шықты, сондай-ақ «Жібек жолы»өткізу бекетіне жақын автовокзал құрылысының аумағына көңіл бөлді.
«Б. Қонысбаев» өткізу пунктін қайта құру аясында өткізу пунктінің аумағын 3,6 га — дан 6 га-ға дейін кеңейту жоспарлануда, қозғалыс жолақтары АТС үшін 2-ден 8-ге дейін кеңейтіледі, өткізу қабілеті тәулігіне 120-дан 500-ге дейін жүк автокөлік құралдары артады», — деп хабарлады Мемлекеттік кіріс комитетінде.
Айта кетейік, «Жібек Жолы» өткізу пунктіне жақын жерде төлқұжат және кедендік бақылау жүргізу үшін терминалы бар автовокзал салу жоспарлануда. Бұл өткізу қабілетін екі есеге арттырады және осы пункт арқылы күніне 50 мың адамға дейін өтеді.
Сурет: ukrinform.ru
