ҚР Білім және ғылым министрі Асхат Аймағамбетов ЖОО оқытушыларының жалақысын арттыру туралы бұйрыққа қол қойды, деп хабарлайды “ҚазАқпарат” ХАА.
“Жоғары білім беру сапасын арттырудың маңызды шарты оқытушылар үшін тиісті еңбек жағдайларын, оның ішінде лайықты жалақыны жасау болып табылады. Ел президенті Қ.Тоқаев ЖОЖ отырысында ЖОО-дағы ОПҚ-ның жалақысын көтеруді тапсырды. 2019 жылғы қыркүйекте БҒМ-ге ведомстволық бағынысты ЖОО оқытушыларының жалақысы 20%-ға және 2020 жылғы қыркүйекте тағы 20%-ға ұлғайтылды. Алайда, қабылданған шараларға қарамастан, жалақы әлі де төмен, өйткені оның өсуіне дейін база тым төмен болды. Тіпті жалақыны 20-40%-ға арттыру шаралары да жеткілікті өсім бермейді”, – деп жазды Асхат Аймағамбетов Facebook-те.
Министр республиканың жоғары оқу орындарында төленетін еңбекақыны мысалға келтірді. Мысалы, ҚазҰУ-да оқытушының орташа жалақысы 108 мың теңгені, Х. Досмұхамедов атындағы Атырау университетінде – 105 мың теңге. Қорқыт Ата атындағы Қызылорда университетінде -101 мың теңге, ал Қарағанды индустриалды Университетінде – 99 мың теңге.
“Әрине, мұндай жалақы мөлшері оқытушыларды ынталандырмайды. кейбір университеттер жалақыны көтеру кезінде лауазымдық жалақы мөлшеріне негізделді, бұл оқытушылардың нақты жалақысынан, соның ішінде әртүрлі ынталандырушы қосымша төлемдерден төмен екенін йта кету керек. Басқа жоғары оқу орындары бір ставкаға есептегенде 900 сағатқа жеткен педжүктемені көбейтіп, жалақыны көтерді. Осыған байланысты мемлекет басшысы Қ.К. Тоқаевтың тапсырмасын орындау үшін мен БҒМ-ге ведомстволық бағынысты жоғары оқу орындарына қатысты бұйрыққа қол қойдым, онда біз екі норманы нақты бекіттік”, – деп хабарлады Асхат Аймағамбетов.
Министр бұйрыққа сәйкес 2021 жылдың 1 қыркүйегінен бастап штаттық оқытушыларға ең төменгі жалақы белгіленетінін түсіндірді.
“Яғни, 2021 жылдың қыркүйегінен бастап штаттағы оқытушы айына кемінде 200 мың теңге, аға оқытушы – 230 мың теңге, қауымдастырылған профессор – 260 мың теңге, профессор – 350 мың теңге (ұлттық университеттерде – 400 мың теңге). Бұл ең төменгі жалақы ғана. Сонымен қатар, әр университет басқа ынталандыру төлемдерін белгілей алады және оқытушылардың белгілі бір жетістіктері үшін ақы төлей алады», – деп қосты Асхат Аймағамбетов.
