Қазақстанның бас прокуратурасы республика азаматтарын “Қазақстанның демократиялық таңдауы” тыйым салынған ұйымының санкцияланбаған митингілеріне қатысудан бас тартуға шақырады.
“Әлеуметтік желілерде сот экстремистік деп таныған “Қазақстанның демократиялық таңдауы” ұйымы мен оның жақтастары 2019 жылғы 26 қазанда кезекті заңсыз акцияға қатысуға шақыру таратып жатыр”, – деп хабарлады бас прокуратура.
Қадағалау органының қызметкерлері “Экстремизмге қарсы іс-қимыл туралы” 13-бапқа сәйкес экстремистік ұйымдарды тарта отырып, осындай іс-шараларды өткізуге жол берілмейтіні түсіндірді. Осыған байланысты осындай митингілерге қатысушылар мен ұйымдастырушыларына қатаң шаралар қолданылатын болады.
“Заңсыз акцияларға қатысу фактілері расталған жағдайда, құқық бұзушыларға қатысты Қазақстан Республикасының әкімшілік құқық бұзушылық туралы кодексінің 488 – бабы бойынша жауапкершілік туралы мәселе қойылатын болады”, – деп атап өтті ведомствода.
Сонымен қатар, бас прокуратурада егер санкцияланбаған митингтерге қатысушылардың әрекеттері азаматтардың, ұйымдардың, қоғамның немесе мемлекеттің құқықтары мен заңды мүдделеріне елеулі зиян келтірсе, онда қылмыстық жауапкершілік болады.
