Астана қаласының табиғатты қорғау полициясы рейдтер барысында «Абу-Даби Плаза» құрылысынан, саяжай алқабында, құрылыс қоқыстарын шығару фактісін анықтады, деп хабарлайды Zakon.kz.
«Есіл ауданының ЖПБ табиғатты қорғау полициясы қызметкерлері аумақты айналып өту кезінде «Камаз»маркалы автокөлігінің жүргізушісі ұсталды, ол «Нұрлы жол» теміржол вокзалы ауданындағы, саяжай алабының аумағында «Абу-Даби Плаза» құрылыс нысанынан шығарылған құрылыс қоқыстарын тастауға жол берді», — деп хабарлады полициядан.
ҚР ӘҚБК 505-бабын бұзғаны үшін жүргізуші 20 АЕК (48 100 теңге) көлемінде айыппұл түрінде әкімшілік жауапкершілікке тартылды.
«Бұдан басқа, бақылаусыз және абаттандыру ережелерін бұзуға жол бергені үшін жоғарыда аталған нысанның бас мердігері — «Arabtec Consolidated Contractors Limited» компаниясы, 300 АЕК (721 500 теңге) көлемінде айыппұл түрінде әкімшілік жауапкершілікке тартылды», — деп атап өтті полицияда.
Жыл басынан бері ҚР ӘҚБК 505-бабын бұзғаны үшін 236 құрылыс ұйымы 16 млн теңгеден астам сомаға әкімшілік жауапкершілікке тартылды.
