Шығыс Қазақстан облысындағы Ұлы қазақ ақыны және ойшыл Абайдың 175 жылдығын мерекелеуге бөлінген соманы қысқартуды ҚР Президенті Қасым-Жомарт Тоқаев тапсырды.
Үкіметтің кеңейтілген отырысында сөз сөйлеген ШҚО басшысы Даниал Ахметов мерейтойды мерекелеуге бөлінген жалпы сома 20 млрд теңгені құрайтынын және осы мақсаттарға жеке бизнес қаражатын тарту жоспарланғанын хабарлады.
“Қысқарту керек. Көптеген концерттер ұйымдастырып, демеушілердің көмегімен шетелдік әртістерді тарту қажет емес. Менің ойымша, бұл іс — шаралардың бәрін іскерлік тұрғыда өткізу керек”,-деді Қасым-Жомарт Тоқаев.
Мемлекет басшысы Даниал Ахметов елдегі ең тәжірибелі әкімдердің бірі екенін атап өтті.
“Сіздер әкімдер арасында ең тәжірибелі, сондықтан ұлы Абайдың 175 жылдығына орай өткізілетін барлық іс-шараларға мұқият қараңыздар. Бұл іс — шараларға ағартушылық бастама енгізу керек”,-деді Қасым-Жомарт Тоқаев.
Мемлекет басшысы іс-шаралардың практикалық маңызы мен идеологиялық жүктемесі болуы тиіс екенін айтты.
“Ұлы Абайдың 175 жылдығын мерекелеуге дәл осы тұрғыдан қарау керек”,-деп түйіндеді ҚР Президенті.
Сурет: kursiv.kz
