Қазақстан президенттігіне экс-кандидат, «АҚ жол» Демократиялық партиясының мүшесі Дания Еспаева, оның саяси бірлестігі парламенттік оппозиция болатынын мәлімдеді, деп хабарлайды tengrinews.kz ақпарат ресурсы.
«Ия, біз парламенттік оппозиция болуымыз әбден мүмкін. Ресми түрде парламенттік оппозиция болу үшін фракция басшылығы ресми түрде жариялауы керек. Менің ойымша, бұл жақын арада болуы тиіс», — деп атап өтті Еспаева
Өзін парламенттік оппозиция деп жариялаған партия қосымша артықшылықтарға ие болады. Атап айтқанда, оған Мәжілістің тұрақты комитеттерінің бір төрағасы мен екі хатшысының орны беріледі. Сонымен қатар, ол жылына екі рет өз тақырыбында парламенттік тыңдаулар ұйымдастыра алады.
Сондай-ақ, «Ақ жол» мүшесі өткен парламенттік сайлауда партия өз позициясын күшейткеніне назар аударды. Орталық сайлау комиссиясы жариялаған соңғы қорытындыға сәйкес ақжолдықтарға 10,95% сайлаушылар дауыс берді.
Сурет: aqmolanews.ru
