ҚР Индустрия және инфрақұрылымдық даму министрі Роман Скляр Үкімет отырысында 2023 жылға дейін ақылы автомобиль жолдарының ұзындығы шамамен 6500 шақырымды құрайды, ал жинау сомасы шамамен 40 млрд. теңге болады, бұл оларға өзін-өзі ұстауға көшуге мүмкіндік береді, деп хабарлады NUR.KZ журналисі.
Трассаларды ұстауды қамтамасыз ету үшін, жол жүру ақысын төлеу жүйесін енгізу жөніндегі жобалар жүзеге асырылады. Қаңтар айының соңында Алматы-Қорғас, Алматы-Қапшағай және Астана-Теміртау трассаларының жалпы ұзындығы 471 км учаскелерінде төлем жинау басталды.
Жалпы, бір жыл ішінде төрт учаскеде 5 млрд.400 млн. теңгеге жуық қаражат жиналады, ал осы жолдарды ұстау үшін 3 млрд. 200 млн.тг. қажет. 2020 жылы тағы 5500 шақырымға ақы алу жүйесін іске қосу жоспарлануда.
Бір жылда 4400 км жолды қайта жаңарту жоспарлануда. Қарағандыдан Алматыға дейін және Ақтөбеден Ресей шекарасына дейін (Астраханьға) жол жұмыстары басталады.
Жылдың қорытындысы бойынша 654 километр қайта жаңартылған жолдарды ашу жоспарланып отыр. Сондай-ақ Астана-Павлодар, Щучинск-Зеренді, Бейнеу-Ақжігіт, Таскескен-Бақты, Жетібай-Жаңаөзен жобалары бойынша жұмыстарды аяқтау жоспарлануда.
Республикалық маңызы бар 1600 шақырымды құрайтын жолда жөндеу жұмыстары жүргізіледі.
Сурет: popmech.ru
