Алты пойыз кідіруде. Қаза болғандар мен зардап шеккендер жоқ,деп теміржолшылар хабарлады.
ШҚО – да Ақтоғай-Аягөз учаскесінде 16.20-да 12 вагон рельстен шығып кетті, деп Sputnik хабарлайды.
«Қаза болғандар мен зардап шеккендер жоқ», – деп»ҚТЖ-Жүк тасымалы» акционерлік қоғамының баспасөз қызметі атап өтті.
«Аягөз» және «Ақтоғай» стансаларының қалпына келтіру пойыздары оқиға салдарын жоюға кірісті.
Шығыс Қазақстан облысындағы темір жол учаскесіндегі апат салдарынан алты жолаушы поезы ұсталды. Олар №301 Новосибирск – Алматы, №351 Өскемен – Алматы, №311 Семей – Нұр-Сұлтан, №459 Өскемен – Достық, №32 Алматы – Павлодар, №22 Қызылорда – Семей.
Арнайы комиссия құрылып, вагондардың түсу себебін тексеруде.
2019 жылдың мамыр айында Ақмола облысында вагондардың жолдан шығып кеткен жерінде 50 тонна дизельді отын төгілді.
Сурет: informburo.kz
