Полиция қызметкерлері Ақтауда тұратын екі белсенді Абзал Қаналиев пен Айжан Исмакованы ұстады. Оларға тыйым салынған ұйымның қызметіне қатысты деп айып тағылды. Бұл туралы ұсталғандардың туыстары айтты.
Сондай-ақ, ұстау жүргізілгенде дейін, полиция белсенділердің үйіне тінту жүргізгенін хабарлады. Қазіргі уақытта Каналиев пен Исмакова уақытша ұстау изоляторына екі тәулікке отырғызылды.
Адвокат Айгүл Айжарықова өз кезегінде құқық қорғау органдарының әрекеттерімен келіспейтінін мәлімдеді.
“Олар (белсенділер) әлеуметтік желілердегі белсенділігі үшін айыпталуда. Бірақ әркім өз пікірін білдіруге құқылы. Оларға “тыйым салынған ұйымның қызметіне қатысқаны үшін” айып тағу үшін олардың жарна төлеуі, ұйымда болуы және ұйымның ісіне қатысуы қажет”, – деді Айжарықова.
Адвокаттың пайымдауынша, келесі жылдың 10 қаңтарында өтетін Мәжіліс пен мәслихат сайлауына қатыспауы үшін адамдарды әдейі ұстады.
Сонымен қатар, құқық қорғаушылар осы аптада құқық қорғау органдары Каналиев пен Исмаковада ғана емес, Оразғали Назаров, Болат Нұрғазин, Талғат Ахметов, Ұлболсын Тұрдиева, Шолпан Жанұзақова, Нұрберген Әлиханов, Ләззат Ашықбаева және Жаныл Мырзабаеваның да тінту жүргізгендерін хабарлады.
Сурет: amp.ren.tv
