Ақтау ГМ 172-6 барынша қауіпсіздік колониясында жазасын өтеп жатқан қазақстандықтар арнайы мекеме қызметкерлері қол жұмсайтынына шағымданды, деп хабарлайды timeskz.kz ақпарат ресурсы.
Қамаудағылар колония қызметкерлері соққысынан алған жарақаттарын бейнеге түсіріп, туысқандарына жіберіп, олардан көмек сұрайды.
Осы арнайы мекеменің тұтқындарының бірінің туысы Айқұмыс Беймұқанова өзінің жақын адамын ұрып-соқаны туралы білгеннен кейін, онымен кездесуге сұранды, бірақ рұқсат ала алмады.
Ақтау колониясының басшылығы өз кезегінде қызметкерлер қамаудағыларға қол көтермейтінін, сотталғандар арасында төбелес болып тұратынын айтты.
“Еркін өмір сүргісі келетін, барлық сотталғандар сияқты тамақтанғысы келмейтін, жақсы тамақтанғысы келетін сотталғандар бар. Ол пиццаны керек етеді, ет көп болғанын қалайды, біз ондайға жол бермейміз. Жоқ, қол жұмсап емес, бізде ондай жоқ. Мен міне осындайларды болдырмауға тырысамын,жолын кесемін”, – деді Ақтау колониясы бастығының міндетін атқарушы Айтбай Кенженов.
Сондай-ақ, арнайы мекеме бастығы қамаудағыларда телефон бар екенін айтты, алайда олардың колонияға қалай кіргізілетіні белгісіз.
Сурет: amur.info
