Ресей Федерациясы Қазақстан азаматтарына коронавирус індетіне қарсы күресте қолдау көрсетуді жалғастыруда. Бұл жолы Дағыстан Республикасының еріктілері жеке қорғаныс құралдары түрінде көмек көрсетті. Бұл туралы Хабар24 ақпарат агенттігі жазады.
Дағыстанның волонтерлік қозғалыстарынан гуманитарлық көмек Ақтауға жеткізілді. Бұл Маңғыстау облысының «Дағыстан» этномәдени бірлестігінің қолдауымен жасалды.
Гуманитарлық жүк құрамында 100 мың бетперде, 13 мың қорғаныш костюмі және 2 мың антисептик бар. Қазіргі уақытта ізгілікті көмек аймақ аудандарына бөлінуде.
Коронавирустық инфекциямен күресудің қиын кезеңінде Ресей республикамызға үлкен қолдау көрсетті. Қазақстанға гуманитарлық көмекті бауырлас елдің билігі ғана емес, оның қоғамдық ұйымдары да жіберді.
Бұл үшін ресейлік қоғамдық ұйымдар «Көршілес қайырымдылық» атты акцияны іске қосты, оның аясында ізгілік көмек Көкшетау, Қостанай, Нұр-сұлтан, Петропавл, Атырау, Орал және Шымкентке жеткізілді.
Сурет: 24.kz
