“COVID-19 Қазақстан қоғамдық бақылау” бастамашыл тобының мүшесі Рафик Тазтдинов Ақтөбеге Ресейден ізгілік көмек жеткізілгенін айтты, деп хабарлайды “ҚазАқпарат” жаңалықтар ресурсы.
Рафик Тазтдиновтың айтуынша, гуманитарлық жүктің құрамында 90 мың қорғаныш костюмдері, 10 мыңға жуық бетперделер мен 920 вирусқа қарсы “Коронавир” препараты бар.
Бастамашыл топ мүшесінің айтуынша, Ресейден келген ізгілік көмектен басқа, Ақтөбеге Өзбекстаннан да гуманитарлық жүк келді, Оның құрамына жеке қорғаныс құралдары, атап айтқанда 500 мыңға жуық түрлі қолғаптар мен 480 мыңға жуық медициналық бетперде енген.
Ресей Федерациясынан келген ізгілік көмек “Чайка” шипажайының провизорлық бөліміне, ал Өзбекстан Республикасынан келген көмек Ақтөбе облысының ЖИТС орталығына жеткізілді.
Рафик Тазтдиновтың айтуынша, қазіргі уақытта Ресей мен Өзбекстанның ізгілік көмектері Ақтөбе облысының медициналық мекемелері арасында бөлінуде.
Соңғы мәліметтерге сәйкес, бұл аймақта коронавирустық инфекцияны жұқтырудың 2803 жағдайы ресми түрде расталды, ал Қазақстан Республикасында олардың жалпы саны 75153- ке жетті.
Сурет: Inform.kz
