Ақтөбе облысы әкімдігінің жедел штабы індетпен күресу мақсатында Ақтөбеде шектеу шараларын күшейтті, деп хабарлайды «Қазақпарат» ақпарат агенттігі.
Енді азық-түлік дүкендері мен дәріханаларға үш күнде бір рет бір отбасы мүшесіне баруға рұқсат етіледі және олардың тұрғылықты жеріне жақын жерлерге ғана бара алады.
Сондай-ақ Ақтөбеде жеке көлікпен жүруге тыйым салынады, алайда бұл шара жұмыс орны мен кестесі көрсетілген анықтамасы бар адамдарға қатысты емес.
Ақтөбеде шектеу шараларын қатайту туралы шешімді коронавирустық инфекциямен ауырған жағдайлар санының көбеюіне байланысты жедел штаб қабылдады.
«Бұрын басқа өңірлер мен елдерден келген азаматтар, сондай-ақ олармен байланыста болған азаматтар инфекцияның пайда болған белгілерін жасырып, карантин режимін бұзған. Жеке азаматтардың жауапсыздығы олардың жақындары мен айналасындағыларды жұқтыруына әкеліп соқты, енді қаланың әрбір тұрғынына қауіп төндіруде. Сондықтан да қатаң шектеу шаралары қабылданды», — деп хабарлады штабта.
Соңғы мәліметтерге сәйкес, Ақтөбе облысында COVID-19 жұқтырудың 27 жағдайы расталды, ал Қазақстан Республикасында олардың саны 1630-ға жетті.
