Ақтөбеде ірі банктің қалалық филиалының қызметкеріне қатысты қылмыстық істі қарау жөніндегі сот отырысы өтті. Бұл туралы nur.kz ақпараттық ресурсы хабарлайды.
Банк қызметкері алаяқтыққа күдікті. Тергеу болжамына сәйкес, ол өзінің тікелей басшысының, әріптестерінің және клиенттерінің ақша қаражатын алдау жолымен иемденді.
Атап айтқанда, банк қызметкері бизнеске қаражат салу сылтауымен аталған тұлғалардан ақша алып, букмекерлік кеңселерде ставкаларға жұмсады.
Нәтижесінде ол өзінің бастығына, әріптестеріне және клиенттеріне ондаған миллион теңге қарыз. Оның ісінде барлығы он жәбірленуші бар.
Ақтөбе қаласының №2 қылмыстық сотында өткен сот отырысы кезінде күдікті өз кінәсін толық мойындап, зардап шеккендерге барлық ақшалай қаражат төлейтінін айтты.
Алайда сот шешімімен енді банктің бұрынғы қызметкері 6 жылға түрмеге қамау түріндегі жаза алды, оны ол орташа қауіпсіз қылмыстық-атқару жүйесі мекемесінде өтейтін болады.
Сурет: fergana.agency
