Ақтөбе қаласындағы «Аяла» балаларды оңалту орталығында өрт болды. Бұл туралы ҚР ІІМ ТЖК ресми өкілі Нұрсұлтан Нұрахметов хабарлады.
Оқиға бүгін күндіз болды. Өрт туралы хабар құтқарушылар пультіне сағат 12:42-де келіп түсті.
Авиақалашық ауданында «Аяла » қиын өмірлік жағдайда жүрген балаларды қолдау орталығы» КММ-нің екі қабатты ғимараты өртенді.
Өрт екінші қабатта болды. Бөлмелердің бірінде жиһаз өртенді. Өрт бөлмеде тез таралып, дәлізге көшті. Өрттің жалпы аумағы 28 шаршы метрді құрады.
Өрттен ешкім зардап шеккен жоқ: ғимаратта орналасқан 23 адам, оның ішінде 8 бала, эвакуацияланды.
Өрт толығымен 13:16-да сөндірілді.
Өрттің шығу себебін мамандар анықтауда. Өрт сөндіруге Ақтөбе облысының ТЖД 56 адам және 11 бірлік арнайы өрт сөндіру техникасы қатысты.
Сурет: nur.kz
