Ақтөбе хром қосылыстары зауытында кәсіпорында төтенше жағдай салдарынан төрт жұмысшы қаза тапты. Бұл туралы полиция департаментінің баспасөз қызметі хабарлайды.
Төрт ер адам химикаттары бар 50 текше бакты тазалау жұмыстарын орындады. Олардың барлығы өмірмен үйлеспейтін күйік алды.
Тағы екі жұмысшы ауыр халде ауруханаға жеткізілді.
Полиция орын алған жазатайым оқиғаның мән-жайын анықтау бойынша сотқа дейінгі тергеуді бастады.
Оқиға орнында полиция және құтқару қызметтерінің қызметкерлері жұмыс істейді.
“Қауіпсіздік техникасының бұзылуы салдарынан АХҚЗ төртінші цехының төрт қызметкері қаза тапты. Екі адам Ақтөбе қаласының ЖМК-на термикалық күйік және уланумен жеткізілді. Аталған факті бойынша полиция департаменті ҚР ҚК 156 бабы 4 тармағы бойынша сотқа дейінгі тергеу жұмыстарын бастады”, – деді облыстық полиция департаментінің бастығы Атығай Арыстанов.
Сурет: 24.kz
