Ақтөбе облысының Ішкі істер органдарының қызметкерлері коронавирусты инфекцияға тестілеуден өтуде, деп хабарлайды облыстық полиция ведомствосының баспасөз қызметі.
Полиция департаментінде COVID-19 қарсы күрес шараларына қатысатын барлық полицейлер тестілеуден өтетінін айтты. Бұл ауру қаупін төмендету үшін жасалуда.
Осы мақсаттар үшін жергілікті атқарушы органдар полиция департаментіне арнап 1000 тест бөлді. Жақын арада қосымша партия келеді.
Полиция ведомствосы хабарлағандай, бүгінгі күні Ішкі істер органдарының 186 қызметкері коронавирустық инфекцияға тест тапсырды, оның нәтижесі бойынша оларда вирус анықталған жоқ.
Сондай-ақ, өңірдің полиция департаменті құқық қорғау органдарының қызметкерлері облыста қойылған өту-бақылау пунктерінде кезекшілікке және Ақтөбеде құқықтық тәртіпті қамтамасыз етуге қатыстырылғанын хабарлады.
Соңғы мәліметтерге сәйкес, Ақтөбе облысында коронавирусты жұқтырудың 55 оқиғасы тіркелді, ал елімізде олардың саны 2376-ға жетті.
Сурет: diapason.kz
