Ақтөбе облысы полиция департаментінің баспасөз хатшысы Ерболат Сарқұлов аймақта төтенше жағдай талаптарын бұзу фактілері анықталғанын айтты. Бұл туралы “Қазақпарат” ақпарат агенттігі хабарлайды.
Оның айтуынша, аймақта төтенше жағдай режимін бұзудың 267 фактісі анықталды, нәтижесінде 55 адам қамауға алынды, 107 – айыппұл салынды және 20 – ескерту жасалды. Қалған материалдар сот қарауында.
Ерболат Сарқұлов барлық анықталған бұзушылықтардың 15-і өткізу бекеттерін заңсыз айналып өту фактісі бойынша екенін атап өтті. Мұндай әрекеттері үшін төрт адам қамауға алынып, екеуіне айыппұл салынды, ал қалған тоғыз материал сотта жатыр.
Сондай-ақ, Ақтөбе полиция ведомствосының баспасөз хатшысы карантиндік режим енгізілгеннен бастап, оның талаптарын бұзудың 43 фактісінің жолы кесілгенін атап өтті.
Соңғы мәліметтерге сәйкес, Ақтөбе облысында коронавирусты жұқтырудың 11 оқиғасы, ал Қазақстан Республикасында барлығы 764 оқиға тіркелген.
Сурет: zakon.kz
