Ақтөбе облысының әкімдігінде кеңес өтті, оның аясында облыс әкімі Оңдасын Оразалин мереке күндері әлеуметтік маңызы бар азық-түлік бағасының өсуін тежеу қажеттігін мәлімдеді. Бұл туралы облыс әкімінің баспасөз қызметі хабарлады.
Осыған байланысты уәкілетті органдарға бағаны тежеу үшін барлық қажетті шараларды қабылдау тапсырылды. Сонымен қатар, аймақ әкімі төтенше жағдайлар департаменті бастығының міндетін атқарушы Асқар Төлешовке мереке күндері қауіпсіздік шараларын күшейтуді тапсырды.
Сондай-ақ,кеңес барысында Оңдасын Оразалин полиция департаменті бастығының бірінші орынбасары Қанат Әлиевке де тапсырма берді. Ол қоғамдық орындарда тәртіпті қадағалауы қажет.
Кездесу аясында облыс әкімі өңірде ауа райының күрделі жағдайына назар аударды. Сондықтан автожолдарды қардан уақытылы тазалау, қазандықтардың отын қорынмен қамтамасыз етілуін қадағалау қажет.
Сурет: inform.kz
