Ақтөбе облысы Мұғалжар ауданындағы мұнай қалдықтарын сақтауға арналған резервуардағы өртті сөндіруге төтенше жағдайлар департаменті қосымша қаражат пен күш жұмсады. Бұл туралы Ақтөбе Төтенше жағдайлар департаментінің баспасөз қызметі хабарлады.
Үш мың текше метр мұнай қалдықтары болған мұнай резервуарындағы өрт 8 қаңтар күні кешке “Ақтөбе-мұнайгаз “СНПС”АҚ Жаңажол мұнай-газ кешенінде басталды. Резервуарда мұнай мен су болған.
Баспасөз қызметінде өрт сөндіруге ТЖД 35 қызметкері мен 8 өрт сөндіру техникасы жұмылдырылды. Ақтөбе қаласынан ТЖД бастығының міндетін атқарушы полковник Асқар Төлешевтің басшылығымен департаменттің 25 қызметкері және 5 қосымша техника бірлігі жіберілді. Баспасөз қызметінің хабарлауынша, оқиға орнында қаза болғандар мен зардап шеккендер жоқ.
Сурет: inform.kz
