Қазақстанның сыбайлас жемқорлыққа қарсы агенттігі қызметкерлері Ақтөбе облысы әкімінің орынбасары Руслан Мамуновты ұстады. Бұл туралы “Қазақпарат” ақпарат агенттігі хабарлайды.
Сыбайлас жемқорлыққа қарсы ведомстваның өкілдері Ақтөбе шенеунігіне қатысты қылмыстық іс ашылғанын, ол алаяқтық жасады деп күдікті екненін айтты.
Қазір Руслан Мамунов Нұр-Сұлтан тергеу изоляторына екі ай мерзімге орналастырылды. Сонымен қатар сыбайлас жемқорлыққа қарсы ведомстваның қызметкерлері тергеумен айналысуда.
Бұл жөнінде сыбайлас жемқорлыққа қарсы ведомстваның өкілдері тергеу құпиясын негізге ала отырып, қосымша ақпарат берген жоқ.
Бұған дейін Қазақстан БАҚ-тарында Ақтөбе облысы әкімінің орынбасарының ұсталуына қатысты ақпарат пайда болған. Сол кезде оның пара алу үстінде ұсталғаны айтылған.
Кейін Руслан Мамунов бұл хабарды жоққа шығарып, оны ешкім ұстамағанын мәлімдеді. Ол Нұр-Сұлтандағы жұмыс бабымен жүргенін және өз бостандығына қатысты қандай да бір шектеулер жоқ екенін айтты.
Мамунов 2019 жылдың күзінде Ақтөбе облысы әкімінің орынбасары қызметіне тағайындалды. Бұған дейін ол “Ақтөбе” ӘКК ” ҰК басқармасының төрағасы болды.
Сурет: tengrinews.kz
