Бүгін, 24 маусымда Ақтөбе қаласының жаңа әкімі болып Мавр Абдуллин тағайындалды. Бұл туралы Ақтөбе облысы әкімдігінің баспасөз қызметі хабарлады.
«Қазақстан Президенті Әкімшілігі мен қалалық мәслихаттың келісімі бойынша облыс әкімі Оңдасын Оразалиннің өкімімен Ақтөбе әкімі болып Мавр Абдуллин тағайындалды», – деп хабарлады Ақтөбе облысы әкімдігінің баспасөз қызметі.
Мавр Абдуллин 1973 жылы туған. Ол Батыс Қазақстан ауыл шаруашылығы институтын экономист-менеджер мамандығы бойынша бітірген.
Абдуллин аудандық мәдениет бөлімінің меңгерушісі, Ойыл ауданы әкімінің орынбасары, облыстық ауыл шаруашылығы басқармасы басшысының орынбасары, Ойыл және Алға аудандарының әкімі болып жұмыс істеді. Бұған дейін ол Ақтөбе облысы әкімінің орынбасары қызметін атқарды.
