Біздің мемлекетімізде Ақтөбе облысының құрылыс басқармасының бұрынғы басшысы Нұрлан Иманалинге қатысты ашылған қылмыстық іс бойынша сот талқылауы аяқталды, деп хабарлайды zakon.kz ақпарат ресурсы
Іс материалдарына сәйкес, Иманалин 60 миллион теңгеден астам бюджет қаражатын жымқырды деген күдікке ілінді. Ол жалғыз емес, “АҚ Саток”ЖШС директорымен бірге әрекет еткен.
Олар Мұғалжар ауданы Сағашилі ауылында білім беру мекемесінің құрылысы кезінде қылмыс жасаған.
Сот шешімі бойынша Нұрлан Иманалин кінәлі деп танылды. Оған жеті жылға бас бостандығынан айыру жазасы тағайындалды және өмір бойы мемлекеттік қызметте жұмыс істеу құқығынан айырылды.
Бұрынғы шенеуніктің серіктесі де кінәлі деп танылды. Ол 6 жылға бас бостандығынан айырылды. Сот оны 10 жылға коммерциялық ұйымдарда жұмыс істеу құқығынан айырды.
Бұған дейін Нұр-Сұлтанда “Аграрлық несие корпорациясының” бұрынғы атқарушы директоры Азамат Қамшымбаевқа үкім шығарылғаны хабарланған. Ол ауыл шаруашылығы тауарын өндірушіге тиесілі 200 мың доллар ұрлады деп айыпталды. Сот оны кінәлі деп тауып, 10 жылға бас бостандығынан айырды.
