Ақтөбе шығармашылық академиясында білім басқармасының кеңейтілген алқа мәжілісі өтті. Онда кәмелетке толмағандар арасындағы құқық бұзушылық мәселесі көтерілді. Бұл туралы «ҚазАқпарат» ХАА жазады.
Өткізілген іс-шара барысында жасөспірімдер қылмысы мәселесі жөнінде пікір алмасып, оны шешу жолдары қарастырылды.
Жиналғандардың алдында сөз сөйлеген Ақтөбе білім басқармасының басшысы Ләззат Оразбаева жасөспірімдер қылмысы көрсеткішінің 10,3%-ға төмендесе де, облыста кәмелетке толмағандар жасаған ауыр қылмыстар азаймағанына назар аударды.
Ведомство басшысы 2019 жылы 2 кісі өлтіру, 3 денсаулыққа орташа зиян келтіру фактісі және 37 қару қолдану арқылы тонау тіркелгенін айтты. Бұл жасөспірімдер жасаған қылмыстар.
Осыған байланысты Ләззат Оразбаева туындаған проблеманы шешу үшін жиі қылмыстық жауапкершілікке тартылған балалардың ата-аналары мен оқу мекемелерінің арасында байланысты күшейту қажет деп есептейді.
Сонымен қатар, Оразбаеваның пікірінше, жасөспірімдер қылмысы бойынша алдын алу жұмыстарының мониторингін жасап, әрбір қылмыстың себептері мен салдарын талдау қажет.
