Кеше сағат 14: 00-де Ақтөбе қаласы №40 мектебінің мәжіліс залының гипсокартон төбесі құлап кетті, деп хабарлады ҚР ІІМ ТЖК баспасөз қызметі.
Опырылу аумағы 10 ш. м. құрады «Нәтижесінде жарақаттарымен ауруханаға тоғыз оқушы жеткізілді. Оның ішінде 9-сынып оқушысы оң жақ иық буыны соғылып, ауруханаға жатқызылды, қалған 6 сыныптың сегіз оқушысы үйлеріне жіберілді», — деп хабарлайды комитет.
Төбенің бір бөлігі мәжіліс залының киім ауыстырғышында құлап, оқиға кезінде бұл жерде тоғыз оқушы болған. Төбенің құлауы салдарынан балалардың дене терісі сыдырылып,көгеріп кеткен. Жергілікті билік оқиғаның себебін зерттеуде.
Мектеп 2009 жылы тапсырылған. Жыл сайын косметикалық жөндеу жүргізілген.
Ақтөбе облысы әкімдігінің баспасөз қызметінің басшысы Қанат Құлшманов: «Балалар ОБКА-ға профилактикалық тексеруге жеткізілді. Балалардың денсаулық жағдайының тұрақтылығына көз жеткізіп, ата-аналар ұлдарын үйлеріне алып кетті. Ауруы бойынша есепте тұрған қызды таңертеңге дейін дәрігерлердің бақылауына ауруханада қалдырды.Ақтөбе қаласының әкімдігі жанындағы арнайы құрылған комиссия оқиға себептерін анықтайды».
Бұл мәселені қала әкімі бақылауға алды.
Жұртшылық орын алған оқиғаны ашулы қабылдады. Зардап шеккен оқушылардың ата-аналары: «Үкімет Білім министрлігіне жұмсалатын шығындарды ұлғайтуы үшін тағы қанша төбенің құлауы керек? Сонымен қатар құрылысқа бақылау жоқ», – дейді кеңес заманындағы сенімді құрылыстармен қазіргі ғимаратты салыстыра.
Сурет: informburo.kz
