Ақтөбе медицина университеті Батыс Қазақстан облысында бірінші болып академиялық адалдық Лигасына кірді, деп хабарлайды Zakon.kz.
“Саналы ұрпақ” жобасы аясында Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігінің Ақтөбе облысы бойынша департаменті елімізде алғаш рет оқытушылардың пара алу фактілері туралы жасырын сауалнама жүргізді.
Студенттер пара алған оқытушыларды атап,заңсыз сыйақы сомасын хабарлады. Медициналық университетте пара сомасы 80000 теңгеге дейін жеткен.
Сауалнама нәтижелері құқық қорғау органдары мен денсаулық сақтау министрлігіне берілді.
Денсаулық сақтау министрлігінің хабарлауынша, университетке сыбайлас жемқорлықты жою және оқу орны жұмысының ашықтығы бойынша ұсыныстар жолданды.
Өткен жылы жүргізілген аудиторлық тексеру сыбайлас жемқорлық тәуекелдерін анықтады, бұл үшін басшылық жазаланды.
Жақында университет ректоры ауысты. Денсаулық сақтау министрлігінің ұсынысы бойынша сыбайлас жемқорлыққа қарсы департамент әңгімелесуге қатысты.
Облыс әкімі Оңдасын Оразалин халықаралық конференцияда 2019 жылы Университет, БҚО-да бірінші болып, Академиялық адалдық лигасына кіргенін мәлім етті.
Департаментте жаңа ректор алдында жемқорлыққа қарсы шаралар қабылдау міндеті тұр деп санайды, өйткені лигаға кіру оған екі есе жауапкершілік жүктейді.
Сурет: zakon.kz
