Әлеуметтік желілерде медициналық қызметкерлер жедел жәрдем бригадасы жеткізген науқасты қабылдаудан бас тартатыны түсірілген бейнеролик жарияланды, деп хабарлайды nur.kz. жаңалықтар ресурсы.
Бірінші бейнероликте Ақтөбедегі темір жол ауруханасының қызметкері пациенттерді қабылдаудан бас тартып, жедел жәрдем фельдшерлері оларды Ақтөбе медициналық орталығына жеткізу керектігін айтады.
Екінші бейнеде оның авторы бастапқыда осы орталықтың жанында тұрған жедел жәрдем көлігін түсіреді, содан кейін оның қызметкерлерінен пациенттерді қабылдай ма, жок па деп сұрайды, оларға қабылдамайтыны айтылады.
Бұл жөнінде Ақтөбе медициналық орталығының бас дәрігері Рүстем Исаев орталықтың медицина қызметкерлері сағат 17:00-ге дейін жаңа пациенттерді қабылдай алатынын, одан кейін жаңадан келген науқастармен жұмыс жасайтынын айтты.
Сонымен қатар, Рүстем Исаев 17:00-ден кейін жаңа пациенттерді темір жол ауруханасы қабылдауы тиіс екенін, бірақ онда кадрлар жөнінде елеулі мәселе болғаны анықталғанын атап өтті.
«Оларда кадрлар мәселесі бар. Ауырғандардың саны 200-ден асты. Осы жағдайға байланысты науқастарды біздің аурухана қабылдасын деген команда берілді. Мен өзім кешке осында болдым. Біз барлығын қабылдап, көмек көрсеттік», — деді Исаев.
Бас дәрігер қазір Ақтөбе медициналық орталығы провизор госпиталі ретінде жұмыс істеп жатқанын айтты. Тек соңғы екі күнде медициналық мекемеге пневмониямен екі жүзден астам пациент түсті.
Сурет: 24.kz
